Bermayiyên 104 Êzidiyên di sala 2014 'an de ji aliyê DAIŞ'ê ve hatin qetilkirin wê di 6 'ê Sibatê de li gundê Koço yê Başûrê Şangalê bên vegerandin. Piştî derxistina termên sala borî bi armanca derxistina nasnameyan û berhevkirina belgeyan ber bi Bexdadê ve hatin veguhastin 6 ' ê Sibatê wê endamên civata Êzidî ji bo merasîma veşartina cenazeyê nan li hev kom bibin . Piştî şeş salan ji qirkirinê wê malbatên Koço di dawiyê de karibin hin hezkiriyên xwe birehetî razên

Di nava kesên mirî de hevalên min, cîran û du birayên min hene. Ez her roj bêriya birayên xwe dikim. Ez kêfxweşim ku bi goreke bi rumetê min rûmetdar be, lê dilê min ji bo bi hezaran malbatên Êzidî yên hezkiriyên wan di gorên komî de dimînin şikestî dimîne Jiyîna bi vê rastiyê re barekî giran li ser civaka Êzidî ye. Em çiqasî li benda goristan û goristanên bi rûmet bin, travmaya me ya komunal ewçend zêde dibe û rûmeta me tê înkarkirin.

Pêdivî bi tesbîtkirina bermahiyên mayî yên ku hatine derxistin heye, ku tê de laşê dayika min a delal heye. Li Şangalê bi dehan gorên komî hene ku hê jî li benda derxistinê ne. Divê ji bo hemû qurbaniyên Êzidî yên ji ber jenosîdê hatine şehîdkirin û cangoriyan goristan bên vedan

Pêwîst e em li benda merasîmên veşartinê yên ji bo hurmeta ji bo rêwiyan nesekinin; em dikarin vê yekê niha bi li dû edaletê bikin. Neteweyên Yekbûyî di sala 2016 'an de qebûl kir ku sûcên li dijî Êzidiyan hatine kirin qirkirine. Hevalê min Amal Clooney û ez bi welatên endam re li Neteweyên Yekbûyî xebitîm da ku biryareke Konseya Ewlekariyê ya ku di encama avakirina UNITAD de pêk hat, derbas bikin. Ji wê demê û vir ve Ekîba UNITAD'ê li ser hovîtiyên DAIŞ'ê delîl kom kir. Niha jî berpirsyartiya hikûmeta Iraqê û civaka navneteweyî ye ku bi darizandina sûcdarên DAIŞ'ê ji ber sûcên xwe yên li dijî mirovahiyê li ser vê delîlan tevbigerin

Êrîşa li ser Koço ji aliyê çekdarên dagirker û çeteyên DAIŞ'ê yên ku ji gundên cîranên me tevlî bibûn ve pêk hat Hê jî piraniya van sûcdaran nehatine tespîtkirin, girtin û darizandin. Li şûna wê ew bi azadî bimeşin û xewnên civaka min ên ewlehî û aramiyê li welatê me bixaşînin.

Têrê nake ku çeteyên DAIŞ'ê weke terorîst bên darizandin. DAIŞ'ê bi qirkirina sivîlan, leşkerkirina kuran û kolekirina jinan û keçan re qirkirineke hesabkirî li dijî Êzidiyan bi cih kir. Ev ne tenê taktîkên terorê ne. Ev pêkûtiyên bi armanca ku gelê Êzidî ji holê rabikin hatin kirin. Eger sûcên qirkirin û şîdeta zayendî bê darizandin û bê ceza bên hiştin, wê pêşî li bêcezahiştina li her cihî gefê li ewlekarî û mafên mirovan ên komên hindikahiyan bixwe.

Ji bo berxwedêrên Koço û Êzidiyan ên li tevahiya herêmê, şîdeta DAIŞ'ê hînê rastiyek jiyayî ye. Em hîs dikin ku şîdeta di tunebûna 2 hezar û 800 jin û zarokan de hîn jî di bin esrarê de ye. Em di nava şert û mercên xedar ên kampên IDP'ê de û di nava enqazên ku demekê malên me bûn de hîs dikin. Lê em israra civaka xwe û israra bawerî û nirxên xwe jî hîs dikin.

Ew nirxên ku ji aliyê gelên li çar aliyê cîhanê ve hatine parvekirin e, ku li hemberî zilm û bêhelwestiyê me li rûmeta xwe û mafên mirovan xwedî derdikevin. Ez hêvî dikim ku dema em li hev kom dibin da ku di dawiyê de endamên malbata xwe rehet bikin, em ê dilsoziya xwe ya bi wan nirxan re bi pêşvebirina mafên mirovan û edaletê ji bo hemû Êzidiyan dubare bikin.

nadiasinitiative.org